Author: އުނިސާރު މުޖުތަބާ

ކާންޒީކަމަނާ ގޮވައިގެން ގާފަރު ކަޅުއުނބުށޭމު ހިތަދޫ ކޯއްޓޭއަށް ފޭބިއިރު އެކަމަނާ ބަނޑުބޮޑު ވާހަކަ ބަޔާންކުރެވިފައިވާނެއެވެ. އަދި އެކަމަނާގެ ފިރިމީހާ ގަތުލުކުރެވުނު ވާހަކަވެސް ބަޔާންކުރެވިއްޖެއެވެ. ކާންޒީކަމަނާ ނުމަރައި ބެހެއްޓީ އެކަމަނާޔާ ކަޅުއުނބުށޭމު ވަރަށް ކުރީއްސުރެ ހިތާވާތީ އާއި ކަޅުއުނބުށޭމާއެކު ހަޔާތުގެ ބާކީބައި ހޭދަކުރަން އެކަމަނާ އެއްބަސްވުމުންނެވެ. ކޮންމެއަކަސް ކާންޒީކަމަނާ...

ކާންޒީކަމަނާ ގޮވައިގެން އަދި ނަވުގެ ހުރިހާ މުދަލެއް ހިފައިގެން ކަޅުއުނބުށޭމު ދިޔައީ ކުރިންވެސް ބަޔާންކުރެވުނު ގޮތަށް ހިތަދޫ އަށެވެ. ހިތަދޫ އެންމެ އުތުރުކޮޅުން ކޯއްޓޭ ސަރަހައްދަށް ފައިބައި އެތާގައި މަރުކަޒު ގާއިމުކޮށްފިއެވެ. މިކަމަށް ކޯއްޓޭ ސަރަހައްދު ޚިޔާރުކުރީ އެއީ އުތުރުން އަންނަ އޮޑިފަހަރުގެ ހަރަކާތްތަކަށް ފާރަލައި ދިފާއީގޮތުން...

އެއީ ދިވެހިތާރީޚުގައި މަޝްހޫރު ބުރަކިރަނިންގެ ލޯބިވެރިޔާ ކަޅުމުހައްމަދުގެ ރަސްކަމުގެ ދުވަސްވަރެވެ. ކޮއްކޯފުޅު ދޮންބުޅާފާށަނާ ޝަހީދުކޮށް ބުރަކިރަނިންގެ ހިތަށް ފިނިކަން ގެނައުމަށްޓަކައި ގެނެވުނު އިންގިލާބުގެ ކުރީދުވަސްކޮޅެވެ. އެއީ އިންޑިޔާގެ ގޯއާގައި ހުންނެވި ޕޯޗުގީޒް ވައިސްރޯއި އަލްފޮންސޯ ޑިއަލްބަކާ އިސްލާމުންނާއި ދެކޮޅަށް އޭޝިޔާގައި ވަރުގަދަ ހަނގުރާމައެއް ކުރި ދުވަސްވަރެވެ. ރާއްޖޭގެ...

ދޮންބުޅާފާށަނާ ޝަހީދުކުރި ވަގުތު ކޯއްޓޭ ބުރުޒުމަތީގައި ކަޅިޖަހާނުލައި މިމަންޒަރު ދެކޭން އެރޭ މެންދަމު ހުރި މީހަކީ ދަތިޖަހާ ހަސަނެވެ. ދޮންބުޅާފާށަނާ ގުޅަކުޅޭ ފަސްގަނޑަށް ވެއްޓިވަޑައިގަތް މަންޒަރު ބަލަންހުރެފައި މިކަލޭގެ ތެޅެމުންފޮޅެމުން ރަށުތެރެއަށް އަރައި ގޮވަންފެށިއެވެ. މި މާލޭގައި ދޮންބުޅާފާށަނާގެ ހެޔޮފުޅުކަމުން ލިބޭ ބަނޑުބަތާ މުސާރަ ކައިގެން ސަރުބީޖަހައި...

ގޯއާގެ ރަސްކަމުގައި ހުންނަވަނީ ފުށެތިކާލީންގެ ވައިސްރޯއިއެކެވެ. ގޯއާ އޮންނަނީ ފުށެތިކާލުގެ ވެރިކަމުގެ ދަށުގައެވެ. ކޮންމެއަކަސް މިވައިސްރޯއިއާ ބައްދަލުކޮށް ހިތްއުފާވާނޭ މަގުން ވާހަކަ ދައްކައި އޭނާގެ މެހުމާންދާރީ ލިބިގެން ދުވަސްތަކަކަށް ބުރަކިރަނިން އާއި ގާފަރު ކަޅުއުނބުށޭމު ވަރަށް އުފަލުގައި އެރަށުގައި ތިބެއްޖެއެވެ. އެހެންނަމަވެސް ބުރަކިރަނިންގެ ހިތަށް އަބަދުމެ ދަތިކުރާ...