ކަލްކަތާއަށް ފުރުން ގަންގާސާގަރުގެ ކެޗުބުރިއާ އަވަށުގެ ހޮޓަލުން ކައިގެން އެރޭ އެންމެން އެރީ ބަހަކަށެވެ. ބަސް ދަތުރުކޮށްފައި ދިޔައީ މިޖަޒީރާގެ އެންމެ އުތުރުކޮޅުގައި އޮންނަ ކަސްތަލާއޭ ކިޔުނު ބަނދަރަށެވެ. މިހުރިހާ ދުވަހު ދިވެހީން ތިބީ ގަންގާސާގަރުގެ އެންމެ ދެކުނު ބިތުގައެވެ. ގަންގާސާގަރު އޮންނަނީ ކުކުޅުބިސް ބައްޓަމަށެވެ. އެންމެ...

އެހީތެރިކަން ލިބޭނޭކަމުގެ އުއްމީދުގައި މިތާގައި ތިބޭތާ ދުވަސްތަކެއްވީފަހުން އެއްދުވަހެއްގެ ހެނދުނު ފެންނާމަނިކުފާނު ބުންޏެވެ. އެހީތެރިކަމެއް ނުލިބުނެވެ. ވަރަށް ގިނަދުވަހު އިންތިޒާރުގައި ތިބެވިއްޖެއެވެ. ރޯދަމަސްވެސް ނިމެނީއެވެ. ދެން މިތަނުން ދާންވީއެވެ. ދެނެއް ނުތިބެވޭނެއެވެ. އަހަރެމެން އަމިއްލަޔަށް އުޅެގެންވެސް ސަލާމަތުގެ އައްސޭރިއަކަށް ދެވޭނެއެވެ. އެކަމަކު މަގޭ ފޮށި ރައްކާތެރިކަމާއެކު ގެންދެވޭނެ...

މިއަޑު އިވިފައި ފެންނާމަނިކުފާނު ގަންނާކުރެއްވި ބިރަކުން އާދޭހުގެ ރާގެއްގައި ބުންޏެވެ. އިބިރިހިންމަނިކާއެވެ. ކަލެއަށް ސަވާބާއި ދަރުމަ ހުންނާނެއެވެ. ތިޔަހެން ނުކިޔާށެވެ. އަހަރެމެން އެންމެންގެ ހިތްވަރަކީ މިފޮށްޓެވެ. ފޮށްޓާއި އެކަކުވެސް ނުބެހޭށެވެ. އިބިރިހިންމަނިކާ ބުންޏެވެ. މިތާގެ މީހުންވެސް ވާހަކަދައްކައި އުޅެނީ އައްޑޫބަހުން ބާވައެވެ. އެހެންވިއްޔާ އަހަރެން މިދެއްކި ވާހަކަ...

އޮޑި ފަރަށްއެރުން އައްޓިއަރި މުހައްމަދުދީދީ ކުނބަށް އަރައި ބަލައިފައި ބުންޏެވެ. ދުރުން ވަރަށް ބޮޑު ފަރެއް އެބަފެނެއެވެ. ފަރުގެ މަތިން އަރައިގެން ދެވިއްޖެނަމަ ރަނގަޅެވެ. އެހެންނޫނީ ކުރާނެ ކަމެއް ނެތެވެ. މިހެން ތިއްބައި ފަރާއި ވަރަށް ގާތްވެއްޖެއެވެ. ފެންނާމަނިކުފާނު ބުންޏެވެ. އޮޑި މިހިރަގެން ދަނީ ފަރު މެދަށެވެ....

ވައިބާރުކަމުގެ ވާހަކަ ދެއްކުމެއްނެތެވެ. އޮޑި ދިޔައީ ސިލޯނާއި ވަރަށް ކައިރިންނެވެ. އެއްގަމުގައި ހުންނަ ތަކެތިވެސް ފެނެއެވެ. ކޯރު ފަހަނަޅައި ދިއުމުން ފަޅުވެރީންނާއި ދިމާލަށް ހަސަންކާރި އިބްރާހިމްދީދީ ބުންޏެވެ. ކުދީންނޭވެ. ނިކަން ވިސްނައިގެން ތިބޭށެވެ. ކަންތައް ވަރަށް ގޯސްވާނެއެވެ. އަހަރެމެން މީދޫން ފުރީ މާލެ ދިއުމަށެވެ. މާލެއަކަށް ނުދެވުނެވެ....