ކިލެގެ މިސްކިތް
ކިލެގެ މިސްކިތަކީ އައްޑޫ މީދޫ ކޯގަންނު ދެކުނު ފަރާތުގައި ހުރި މިސްކިތެކެވެ. މިއީ މީދޫގެ ބޯދަ މިސްކިތްތަކުގެ ތެރެއިން މިސްކިތެކެވެ. ކިލެގެ މިސްކިތް ބިނާ ކުރެއްވީ އީސާ ހެމަތާރިކަލޭގެ އާއި އަޑަފިކަލޭގެ އެވެ.
މި މިސްކިތުގެ ތަކެތި ބަހަނީ ހަތަރު ބަޔަށެވެ. އެއީ އީސާ ހެމަތާރިކަލޭގެ އަށް ދެ ބައި، އަޑަފިކަލޭގެ އަށް ދެބައެވެ. އަޑަފިކަލޭގެޔަށްވީ ދެ ބައިން އެއްބައި ފަނޑިޔައް ކަލޭގެއަށެވެ. އަނެއްބައި ކުޑަރަނަހަމާދިތަކުރަށެވެ. އީސާ ހެމަތާރިކަލޭގެ އަށްވި ދެ ބައިން އެއް ބައި ވައްލިއަރު މާރާދަކަލޭގެއަށެވެ. އަނެއްބައި ވައްލިއަރު ދޮންބުބޫ އަށެވެ.
އީސާ ހެމަތާރި ކަލޭގެ އަށް އުފަންދަރިއެއްނެތެވެ. މި ކަލޭގެ ހެއި ބުއްދި ހަމަވެ ތަސައްރަފު ފުދޭ ހެޔޮ ހާލުގައި ހުރެ ބުނިބަހީ ތިމަންނައަށް ކިލެގެ މިސްކިތުންވީބައި، ވަޅާއި އެނޫނަސް ތިމަންނައަށް މިލްކުވެގެންވީ ކޮންމެ އެއްޗެއް މާރާދުކަލޭގެއާއި ދޮންބުބޫ އަށް ދީފީމުއެވެ. މިހާރު މި މިސްކިތްވަނީ ނެތި ގޮސްފައެވެ.
ފަހުގެ ޚިޔާލުތައް